Weblog
Wednesday, 25 February 2009
-
我只想身體健康
3月20日- 心情淡淡的入院做例行的身體檢查, 悶足我成晚
3月21日 - 普通的檢查終於做晒, 部份報告出左, 發現肝酵素高左少少, 聽完之後, 我好擔心...唔知會有咩肝病, 我自己喊左一陣子, 只因我不嬲都向壞方面諗左先...醫生話要再驗, 睇下個罕酵素因咩原因高左...
近依幾日, 心情好差, 時時刻刻諗住自己的肝, 無心情去第度, 每人都會叫我放開d, 認識深既我, 我會好難睇開d, 尤其是身體, 經過左媽媽的離去, 我已經好擔心自己的健康, 每每身體有變化, 我就會立刻睇醫生.....依家可以做既, 係等下一次的檢查, 等保險哥哥同我安排.....
發覺無無奈, 因為我咩都做唔倒, 好擔心好驚~~~~~
多謝曾經關心及支持我既朋友, 我會記住~~有咩update, 我會通知大家.
小寶~你會保佑媽媽架嗎~~~~!!!!
Wednesday, 20 August 2008
-
我好掛住小寶呀~~~係真的~~~每日都掛一下..哈哈!!!感覺是甜的..
近來又要積極迎接挑戰, 小寶~你會支持我架嗎!!所以媽媽都會加油
姊妹的backup, so surprise and wonderful!!!! 原來我地都係心靈相通架
唔少得隊友&朋友的支持...thanks so much!!!
張大力上左一堂, 學會了更多 @@
突然掛住吹波的日子, "吹波"- 等我回來呀~~~
Friday, 07 March 2008
-
我為自己好..想有新的突破, 是一個唔理性的決定, 孩子氣的大力又身痕, 開始有小動作
開學前, 做了很多放低已久的工作, 小寶&妹妹的相, 一連串晒了300幾張, 在我心目中, 小寶的相, 多多我都唔覺夠的, 6本的相簿, 小部份係妹妹, 望見小寶, 心中不停說著: 媽媽真的愛你!! 唔知小寶聽唔聽倒呢..
apm的書店, 買了本"貓娘貓糧", feel so good!! 突然想為小寶寫本書, 雖然知道自己會寫得唔好, 這本書為了小寶而寫, 小寶知道已足夠..其他事不重要了
Friday, 15 February 2008
-
依家無咩心雞打聲架啦..唔知點解呢..
一上來就滿心痛, 好似好多支針吉係個心度咁, 因為我一定想起我的大女小寶的, 雖然平時都掛架啦, 不過上來仲掛......就快一年啦, 點解仲係好似岩岩發生咁既(眼淚又流出來)..每日都傻傻的諗:小寶會唔會只係走左出街呢?
小寶有一大堆的相, 我仲未拎去晒, 真係一個懶的主人...搵日要拎去旺角晒7毛錢的相, 小寶的相實在太多, 我要實現成屋都係小寶相的夢想....
岩岩過左個開心的情人節, 雖然唔咪兩個人過, 係同我FAMILY過, 一齊去HOT POT, 不過只要過得開心已足夠啦, 禮物又一早收左, 係我自己揀的牛仔褲同衫, 平平的褲衫已經代表左天佑的心意啦, 食返個糖水仔就返去睇上網電影, 簡簡單單就係可以咁開心的."開心原來真係咁簡單", 係真架!!!!!!!
咩都唔重要, 只要爸爸身體健康、成家人生活得開心, 原來已經係我最大的心願來架啦
妹妹都好乖...天佑又好鍚我, 係工作上未去到我最滿意, 不過明白到係唔可以完美的
仲有你地一班好姊妹、好隊友、好朋友o係我身邊, 仲有咩唔合皮呢...你地話係咪呢.
鼠年祝你地個個都開開心心
Friday, 17 August 2007
-
上次的聲架...到22號..已經是4個月前的事..小寶離開我已經4個月啦 ..我仲好掛住佢..我好愛佢呀
講到依度..我的眼淚已經流啦...原來個傷口真的很深...一直插到我心底
依一刻的心情仲未平復倒..點解?? 每當自己以為可以平復下來的時候...原來都是不能..
每當我講起..提起..想起..總之看見她的事...我都不禁流下淚
不幸運地 .. 我只是夢見她一次...
今日..咩都唔同晒了..
家中多了"2妹"..我叫佢做妹妹..
係小寶的妹妹..因為小寶永遠係我心目中排第一的, 係永遠的第一
多謝..關心的的朋友..希望你地明白, 亦都知你地好體諒我...我不想提起..係因為....對我來說..仲未放得低
亦都好多謝我的天佑....佢都為我的傷心而傷心過~~
小寶..你永永遠遠在我心中的
DAI_LIK
-
- Name: DAI_LIK
- Birthday: 7/21/1981
- Gender: Female
- Member Since: 5/14/2006
